Հաղթանակի օրը «Շահիդ Ֆահմիդե» կրթահամալիրում

Այս ուսումնական տարում պարսկերենի ընտրությամբ գործունեության խմբով այցելեցինք պարսկական «Շահիդ Ֆահմիդե» կրթահամալիր` միասին նշելու Իրանի իսլամական հեղափոխության հաղթանակի տոնը։ Մասնակցեցինք Իսլամական հեղափոխության 41-ամյակին նվիրված միջոցառմանը։ Ներկա էին նաև Հայաստանում Իրանի դեսպանը և այլ դպրոցներից այցելած աշակերտներ, իրենց ուսուցիչներով։
Սկզբում մեզ պատմեցին դպրոցի մասին, կատարեցինք շրջայց և օգտվեցինք հյուրասիրությունից։ Հետո սկսվեց միջոցառումը, որի ընթացքում եղավ Ղուրանից հատվածների ընթերցումներ, «Շահնամեից» հատվածների ցուցադրություն և հնչեց հայկական և պարսկական երաժշտություն։
Օրվա ընթացքում գտվեցինք պարսկական միջավայրում, առիթ ունեցանք շփվել պարսիկ սովորողների, դասավանդողների հետ։ Կարծես Իրանում լինեինք, երբ դպրոցի ցանկապատից ներս մտանք. շուրջբոլորը իրանցիներ էին, իրենց գլխաշորերով, պարսկերենով, սովորություններով: Գլխապտույտ զգացողություններ ունեինք բոլորս: Ամենահետաքրքիրն այն էր, որ միջոցառումը վարում էին պարսկերենով, իսկ մենք փորձում էինք լսել և հասկանալ: Որոշ բաներ հասկանում էինք, որոշ բաներ ոչ: Բայց կարծում եմ դեռ շատ առիթներ կունենանք մասնակցելու նմանատիպ միջոցառումների:

Ծիսական տոնի մասնակցություն Գեղակերտի միջնակարգ դպրոցում

Փետրվարի 14-ին Ավագ դպրոցի աշակերտների մի խմբով, ուսուցիչներ`​ընկեր Վարդանի և ընկեր Լաերտի ուղեկցությամբ այցելեցինք Գեղակերտի միջնակարգ դպրոց` Տեառնընդառաջը տոնելու։ Ճանապարհին կանգառ ունեցանք Մուսալեռան հուշահամալիրում`շրջեցինք, ծանոթացանք տեղանքին և շարունակեցինք մեր ճանապարհը։ Գեղակերտի դպրոցում մեզ դիմավորիցին աշակերտներն ու տիկին Համբարձումյանը`ով մեզ ուղեկցեց դպրոցի տնօրենի մոտ։ Տնօրենը պատմեց դպրոցի ձեռքբերումների մասին և ներկայացրեց ներկա խնդիրները։ Դպրոցում շրջելուց հետո սկսվեց տոնախմբությունը։ Աշակերտները զարդարել էի դպրոցի տեղանքը։ Յուրաքանչյուր դասարան պատրաստել էր տոնական ուտեստներ։ Աշակերտները նաև կազմակերպել էի բեմականացումներ, որոշ խմբեր ներկայացնում էին հայկական ավանդական-ծիսական հարսանիքը։ Հյուրասիրությունից օգտվելուց հետո ավագ աշակերտները վառեցին կրակը։ Ընկեր Լաերտի գլխավորությամբ կազմակերպեցինք պարուսուցում և շուրջպար բռնեցինք կրակի շուրջ։ Մեզ համար աշակերսները իրենց ինֆորմատիկայի ուսուցչուհու հետ միասին պատրաստել էի նվերներ`կրթահամալիրի լոգոն։ Տոնի ավարտից հետո տիկին Համբարձումյանի հետ այցելեցինք գյուղի եկեղեցի, որը 13րդ դարի շինություն է։ Անցկացրինք հագեցած օր և հետ վերադարձանք այն խոստումով, որ նորից կտեսնվենք։

This slideshow requires JavaScript.

Նորից Արատես

 

Իզմիրի տիեզերագիտական ճամբարն ու Ստամբուլը

Ընկերներս մեծ ոգևորությամբ էին պատմում ճամբարի մասին ու ասում, որ կփոշմանեմ, եթե չմասնակցեմ։ Ես էլ վստահ էի, որ այս ճամփորդությունը բացահայտումներով լի է լինելու։
Իմ առաջին թռիչքն էր ինքնաթիռով։ Առավոտյան հասանք Ստամբուլ։ Մեզ դիմավորեց Բոմոնթի Մխիթարյան վարժարանի տնօրեն Գարեգին Տեր Պարսամյանը։ Ծանոթացանք վարժարանին և այնտեղ էլ նախաճաշեցինք։ Հետո ուղևորվեցինք Պեյլերպեյի սուլթանական պալատ։ Այն շատ շքեղ էր և ուներ գեղեցիկ տեսարան դեպի Բոսֆոր։ Նաև ունեցանք նավարկություն Բոսֆորով։ Այցելեցինք Սբ. Հռիփսիմե եկեղեցի, երգեցին, ճաշեցինք և ուղևորվեցին Ստամբուլի օդանավակայան։

Continue reading “Իզմիրի տիեզերագիտական ճամբարն ու Ստամբուլը”

Why is it important to attend Space Camp Turkey for me

Only good opinions I have heard about this camp and decided to take part in, because I am interested in it.
I haven’t visited any foreign countries before. This is a great opportunity to get new friends from different countries, to get acquainted with their culture and traditions. I believe that every day I will laern something new and interesting. I will learn new stuff about space and I thing it is a good chance to improve English.
I am sure that I will spend a wonderful time there and will be back home with good memories.

Ճամբարի լուսաբանում

Իզմիրի տիեզերական ճամբարին մասնակցելուց առաջ մենք պետք է լավ պատրաստվենք, որ այնտեղ պատշաճ ելույթ ունենանք։ Մեր խումբը ունեցավ երգի, պարի, անգլերենի և խեցեգործության դասեր։
Ընտրված մի քանի երգը միացնելով իրար ստացվեց ուրախ ելույթ։ Պարերից ընտրաված է «Լուտքի» պարը, որը ըստ ինձ շատ համապատասխան է, քանի որ առույգ է և ձանձրալի չէ։ Continue reading “Ճամբարի լուսաբանում”

Ձմեռային Արատեսը և «ուրախ գնացքը»

 

Արատեսում եղել էի ամռանը և հիացած էի նրա հեքիաթային գեղեգկությամբ։ Երբ իմացա ձմեռային ճամբորդության մասին, հետաձգեցի բոլոր պարապմունքներս, գիտեի, որ ինձ հարազատ վայր եմ գնալու, վստահ էի, որ Արատեսի ձմեռային գեղեցկությունը ինձ պետք է զարմացնի։

 

Առաջին օր

Փետրվարի 15-ին ավագ դպրոցի և քոլեջի աշակերտների հետ շարժվեցինք դեպի Արատես։ Ճանապարհին ծանոթացանք իրար հետ։ Չէի կարողանում սպասել, թե երբ եմ տեսնելու այդ ճերմակ ու փափուկ ձյունը, որի մասի այդքան շատ էի լսել։ Հասնելուն պես բոլոր սպասելիքներս արդարացան, ամբողջ տեղանքը ծածկված էր ձյունով, իմ պատկերացրածից ավելի շատ ու գեղեցիկ։ Այնուհետև մենք գնացինք մեր տնակները իրերը տեղավորելու։ Ես հիացած էի այդ համեստ տնակի գեղեցկությամբ։ Առաջինը աչկիս ընկավ մեծ պատուհանը, որը կարծես նկար լիներ, ցույց տվող Արատեսը բոլոր եղանակներին իր յուրովի գեղեցկությամբ։ Իրերը տեղավորելուց հետո մի փոքր հաց կերանք և վազեցինք դուրս։ Ձնագնդիկ խաղացինք, թավալվեցինք ձյան մեջ։ Բոլոր սահնակները միացրեցինք իրար, իսկ մեր «վարորդ» ընկեր Սամվելը վարում էր մեր «ուրախ գնացքը»։ Ճանապարհին կորցնում էինք ուղևորներ, զոհեր էինք ունենում, բայց այդ ջերմ մթնոլորտում բոլոր տեասկի ցավերը շատ շուտ անցնում էին։ Միայն տնակներ վերադառնալուց նակատեցինք, թե ինչքան էինք թրջվել։ Փոխեցինք մեր հագուստները, տաքացանք և սկսեցինք տարբեր խաղեր խաղալ։ Իսկ հետո հոգնած և սոված գնացինք խոհանոց ընթրելու։ Երեկոյան հավաքվեցինք տաք վառարանի շուրջ զրուցեցինք, խաղեր խաղացինք և վառարանի վրա պատրասսված կարտոֆիլ կերանք։

 

Երկրորդ օր

Սահնակները դարձել էին մեր «փոխադրամիջոցները» , որոնցով առավոտյան գնում էինք նախաճաշելու։ Այնուհետև մի խումբը գնում էր ջուր բերելու, մյուսները փայտ էին կոտրում կամ օգնում խոհանոցում։ Նախաճաշից հետո նորից գնում էինք սահնակով սահելու։ Արդեն ավելի վարժ էինք և մեր «ուրախ գնացքով» հասանում էինք մինչև վանք։ Ծանոթացանք վանքի պատմությանը և մեր զվարճանքը շարունակեցինք ձյան մեջ իրար գցելով։ Երեկոյան ընթրիքից հետո նորից հավաքվեցինք տաք վառարանի շուրջ։

 

Երրորդ օր

Նախաճաշից հետո հավաքեցինք իրերը և մեր «փոխադրամիջոցներով» իջեցրինք ներքև։ Սահնակներով դիմավորեցինք պարոն Բլեյանին։ Կիսվեցինք մեր տպավորություններով, պատմեցինք խնդիրների մասին, որոնք մոտ ապագայում վստահեմ, որ կլուծվեն։ Իրերը տեղավորելուց հետո շարժվեցինք դեպի տուն։

Ցանկանում եմ Արատեսում լինել նաև աշնանը և գարնանը, որպեսզի տեսնեմ նրա գեղեգկությունը տարվա բոլոր եղանակներին։

CSC_7841

Անկախության օրը Մեծամորում

Սեպտեմբերի 21-ի առավոտյան «Մխիթար Սեբաստացի» կրթահամալիրի Ավագ դպրոցի  աշակերտների, ընկեր Հայարփիի, ընկեր Շուշանի եւ ընկեր Աննայի հետ շարժվեցինք դեպի  Մեծամորի թանգարան։ Թանգարանում շրջեցինք, տեսանք հնագետների կողմից պեղված նյութերը եւ լսեցինք հետաքրքիր պատմություններ: Այնտեղ ցուցադրվում էին հուշարձանից պեղված 27 000 -ից ավելի առարկաներ։ Այնուհետեւ գնացինք թանգարանին հարակից տարածքը, որտեղ կատարվում էին պեղումները: Զրուցեցինք հնեաբանների հետ, փորձեցինք օգնել նրանց: Երբ արդեն պետք է վերադարնաինք կանգ առանք բնության գրկում պարեցինք, երգեցինք եւ շարժվեցինք դեպի տուն:FB_IMG_1537552103012Screenshot_20180921-220725

Իմ մասին

Ես Մարիամն եմ Ժամկոչյան։Ծնվել եմ երկու հազար երեք թվականի նոյեմբերի տասնյոթին Երևանում։ Ավարտել եմ Վ. Համբարձումյանի անվան թիվ տասներկու հիմնական դպրոցը։ Այժմ փոխադրվում եմ տասներորդ դասարան։ Նաև հաճախում եմ Ա. Տիգրանյանի անվան երաժշտական դպրոց։ Նվագում եմ սանթուր և դաշնամուր։ Այնտեղ արդեն հինգերորդ դասարան եմ։ Մասնակցել եմ բազմաթիվ մրցույթների և համերգային ծրագրերի։ Ազատ ժամանակ զբաղվում եմ նկարչությամբ, զբոսնում եմ ընկերներիս և փոքր քրոջս հետ։ Հետաքրքրված եմ հոգեբանությամբ, սիրում եմ սովորել նոր լեզուներ։

IMG_20180715_130932.jpg