Հաղթանակի օրը «Շահիդ Ֆահմիդե» կրթահամալիրում

Այս ուսումնական տարում պարսկերենի ընտրությամբ գործունեության խմբով այցելեցինք պարսկական «Շահիդ Ֆահմիդե» կրթահամալիր` միասին նշելու Իրանի իսլամական հեղափոխության հաղթանակի տոնը։ Մասնակցեցինք Իսլամական հեղափոխության 41-ամյակին նվիրված միջոցառմանը։ Ներկա էին նաև Հայաստանում Իրանի դեսպանը և այլ դպրոցներից այցելած աշակերտներ, իրենց ուսուցիչներով։
Սկզբում մեզ պատմեցին դպրոցի մասին, կատարեցինք շրջայց և օգտվեցինք հյուրասիրությունից։ Հետո սկսվեց միջոցառումը, որի ընթացքում եղավ Ղուրանից հատվածների ընթերցումներ, «Շահնամեից» հատվածների ցուցադրություն և հնչեց հայկական և պարսկական երաժշտություն։
Օրվա ընթացքում գտվեցինք պարսկական միջավայրում, առիթ ունեցանք շփվել պարսիկ սովորողների, դասավանդողների հետ։ Կարծես Իրանում լինեինք, երբ դպրոցի ցանկապատից ներս մտանք. շուրջբոլորը իրանցիներ էին, իրենց գլխաշորերով, պարսկերենով, սովորություններով: Գլխապտույտ զգացողություններ ունեինք բոլորս: Ամենահետաքրքիրն այն էր, որ միջոցառումը վարում էին պարսկերենով, իսկ մենք փորձում էինք լսել և հասկանալ: Որոշ բաներ հասկանում էինք, որոշ բաներ ոչ: Բայց կարծում եմ դեռ շատ առիթներ կունենանք մասնակցելու նմանատիպ միջոցառումների:

Բարդ Ֆունկցիայի ածանցյալ: Առաջադրանքներ

Հայոց լեզու և գրականությունը՝ առցանց

Կրթահամալիրում ուսուցումը կատարվում է էլեկտրոնային գործիքներով, և երբ անցանք առցանց ուսուցման, ժամանակ չպահանջվեց, որ հարմարվեմ: Կարծես ամենը նույնն է, բայց շփումն է պակասում: Ինձ համար ամենադրական կողմերց մեկը այն ժամանակի խնայումն է, որը ծախսում էի ճանապարհին, խցանումների մեջ:
Հայոց լեզվի և գրականության առցանց դասերը ինձ համար շատ արդյունավետ են անցել: Գրականության դասերը հիմնականում անցկացրել ենք պատմվածքների ընթարցանությամբ, հեղինակի ուսումնասիրությամբ և առցանց քննարկումներ կազմակերպելով: Երբ միանում էի առաջին առցանց քննարկմանը, չէի պատկերացնում, թե ինչպես կլինի: Բայց բոլոր քննարկումերը շատ լավ և հետաքրքիր անցան: Միակ խնդիրը վատ կապն է և իրական շփման բացակայությունը:

Ես կարողանում եմ

Ամփոփելով այս ուսումնական տարին՝ ցանկանում եմ ներկայացնել իմ ձեռքբերումները թե՛ դպրոցում և թե՛ դպրոցից դուրս: Ընդունվելով կրթահամալիր՝ որոշել էի, որ պետք է օգտվեմ բոլոր հնարավորություններից։ Ճիշտ է, այս տարի կրթությունը շարունակեցինք առցանց, բայց փորձել եմ ավելի շատ նախագծերի, քննարկումերի, միջոցառումների և կրթահամալիր ծեսերի մասնակցել:

Այս տարվա գրականության դասերը սկսվեցին գրաբար առակների ընթերցանությամբ: Ուսումնասիրում էինք բառարանները, առակները վերածում էինք աշխարհաբարի և կատարում էինք ձայնագրություններ: Սկզբում ինձ համար դժվար էր ընթերցելը, բայց հետո շատ հավենեցի և մեծ հաճույքով էի կատարում աշխատանքները:
Գայլն ու կռունկը
Կամակոր և ինքնահավան կին՝ գետատար …

Մեծ ոգևորությամբ եմ մասնակցել «Ամերիկյան գրականություն» և «Մի քիչ խենթ Լորկան» նախագծերին: Երկուսի ընթացքն էլ հագեցած է եղել քննարկումներով և ընթերցումներով, իսկ ամփոփումը եղել է համերգի տեսքով:

Այս ուսումնական տարում ընթերցել եմ Լևոն Շանթի «Հին աստվածներ» պիեսը, Վիլյամ Գոլդինգի «Ճանճերի տերը» վեպը, Ջորջ Օրուելլի «1984» վեպը, Հովարդ Լավկրաֆտի «Ուլտարի կատուները» պատմվածքը և մասնակցել եմ քննարկումերի:

Ցավոք սրտի այս տարի չեմ մասնակցել գիշերակացով ճամփորդությունների: Հասցրել եմ այցելել Գեղակերտի միջնակարգ դպրոց և Շահիդ Ֆահմիդե կրթահամալիր:

Այս տարի վերջապես ձեռք եմ բերել իմ երաժշտական գործիքը և միացել եմ կրթահամալիրի Ֆոլկ բենդին: Անհամբերությամբ և մեծ ոգևորությամնբ սպասում էի դեպի Իտալիա ճամփորդությանը և «Լագոդիգարդա» միջազգային փառատոնին մասնակցությանը: Պատկերացնում էի, որ այս ամփոփմանը կներկայացնեմ ճամփորդությունը՝ որպես տարվա մեծ ձեռքբերում: Սակայն կորոնավիրուսի պատճառով այն չեղարկվեց: Մտածեցի, որ կմասնակցեմ Հայաստանի երաժշտական մրցույթներին, բայց դրանք նույնպես չեղարկվեցին:

Մինչ համաճարակը հասցրեցի մասնակցել Breavis կենտրոնի կազմակերպած մասնագիտական կողմնորոշման դասընթացին: ԹՈՒՄՈ ստեղծարար տեխնոլոգիաների կենտրոնում ավարտեցի անիմացիայի դասընթացի երեք մակարդակները և գրաֆիկ դիզայն դասընթացի առաջին մակարդակը:

Այժմ ուսուցումս շարունակում եմ առցանց տարբերակով: Կարդացել եմ պատմվածքներ, վերլուծել եմ և մասնակցել եմ առցանց քնարկումներին:
Աղասի Այվազյան | Փառահամար
Լեռնա Գարագյութուք. Քերթուածքներ
Զոհրե Շա՛աբանի. «Ով Հիսուս, որտե՞ղ ես» վերլուծություն
Home Reading.  The Necklace by  Guy de Maupassant …

Կատարել եմ ընտանեկան նախագծեր՝
Ընտանեկան նախագիծ Պատրաստում ենք թխվածքաբլիթներ
«Մեր գերդաստանը» ընտանեկան նախագիծ- «Հայաստանում բնակված ադրբեջանցիները և նրանց հետ կապված հիշողությունները» հասարակագիտական նախագիծ-Պատմում է իմ պապիկը.

Թարգմանություններ՝
Ինչպե՞ս են հնում մարդիկ իմացել ժամը:
Անտիկ Եգիպտոսի անկումը հրաբուխների պատճառով …

Ցանկանում եմ նշել, որ ինձ համար շատ արդյունավետ են մաթեմատիկայի տեսադասերը։ Ինչքան էլ զարմանալի է, առցանց դպրոցի ընթացքում ավելի լավ եմ յուրացրել այն։ Շարունակում եմ այցելել Թումո առցանց տարբերակով և մասնակցում եմ դասընթացների: Երաժշտական դպոցի դասերը նույնպես շարունակվում են առցանց:

Երբ փորձում եմ պատկերացնել, թե ինչպես կդասավորվեր ամենը, եթե չլիներ համաճարակը, կամ համեմատում եմ այս տարին անցածի հետ, հասկանում եմ, որ շատ բան եմ կորցրել։ Հետո հիշում եմ այն պլանները, որոնց համար երբեք ժամանակ չկար և հասկանում եմ, որ այս ամենն էլ ունի լավ կողմերը։

 

Հայաստանը 19-րդ դարի 30-40-ական թվականներին

Ռուսաստանի մուտքը Անդրկովկաս  և Արևելյան Հայաստան մեծ աշխուժություն էր առաջացրել Հայ հասարակական-քաղաքական շրջանակներում: Խաչատուր Լազարյանը, Ալեքսանդր Խուդաբաշյանը և Կարապետ Արղությանը կազմում են Հայաստանի ազատագրության նախագիծ: Ըստ այդ նախագծի ռուսական արքունիքը պետք է ապահովեր հայկական թագավորության վերականգնումը Ռուսաստանի հովանու ներքո: Հայոց պոտականության մեջ ընդգրկվելու էին Հին Հայաստանի բոլոր նահանգները և հեղինակները անհրաժեշտ էին համարում, որ ռուսական կայսր Նիկոլայ առաջինը կրեր Հայոց թագավոր տիտղոսը: Նրանք մտածում էին, որ այդ քայլը մեծ տպավորություն կգործեր և օտար ափերում գտնվող հայերը կվերադառնային Հայաստան: Նաև կարևոր էին համարում սեփական բանակ ունենալու խնդիրը: Այն կազմավորվելու էր հայ կամավորականների հավաքագրման միջոցով, իսկ սպայակույտը պետք է կազմվեր առավելապես հայերից և մասամբ վրացիներից: Հայաստանը նաև պետք է ունենար իր օրենքները, զինանշանը և դրոշը:
Արգելվելու էր մարդկանց առուվաճառքը:

Սակայն Հայաստանի ազատագրության նախագիծը չի ընդունվում: Ռուսական արքունիքը գրավելով Հայաստանի մեծագույն մասը թույլ չի տալիս հայկական պետականության ստեղծում: Դրա փոխարեն հայ բնաչությանը բավարարելու և ինքնավարության պատրանք ստեղծելու նպատակով Նիկոլայ առաջինի 1828 թ. մարտի 21-ի հրամանագրով Երևանի և Նախիջևանի նախկին խանություններից կազմվում է Հայկական մարզը: Այն ուներ սեփական դրոշը և զինանշանը: ՄԱրզի կառավարիչ վրացի Ճավճավաձեին փոխարինում է հայազգի Բեհթուբովը: Նա հին վարչաձևերը փոխարինում է ռուսական օրենքներով ու վարչաձևերով:
Հայկական մարզը հայերի համար իրական ինքնավարություն չէր: Մարզում մեծամասնությամբ ռուս պաշտոնյանոր էին: Իսկ 12 տարի անց ռուսական ինքնակալությունը վերացնում է Հայկական մարզը:

Դանթե Ալիգերի Աստվածային կատագերգություն|Դժոխք

«Աստվածային կատակերգություն» պոեմը բանաստեղծի գլուխգործոցն է: Հեղինակը սկզբում երկին տվել է «Կատակերգություն» անվանումը, իսկ աստվածային մակդիրն ավելացրել են գրողի մահից հետո:
Պոեմը բաղկացած է երեք մասից` «Դժոխք», «Քավարան», «Դրախտ»: Սրանք էլ իրենց հերթին բաժանվում են առանձին մասերի. «Դժոխքը» բաղկացած է ինը պարունակից`

Առաջին շրջան
Այս շրջանը կոչվում է Լիմբ, պահապանը Քարոնն է, ով հանգուցյալի հոգիները տեղափոխում է Սթիք գետի հունով: Դժոխքի առաջին փուլում տանջանքների են ենթարկվում այն մարդիկ ովքեր կնքված չեն և չեն ընդունել Աստծուն: Նրանց պատիժը հավերժական տառապանքն ու անբուժելի ցավն է:

Երկրորդ շրջան
Երկրորդ շրաջանի անվանումը Հեշտանք է: Նրա պահապանը Մինոսնն է(հունական առասպելաբանության մեջ Կրետեի թագավոր): Այստեղ այն հոգիներն են, ովքեր տրվել են կրքին և հաճույքներին: Նրանց պատիժն է՝ ոլորուն փոթորիկը, որ հոգիներին հարվածում է ժայռերին։

Ֆունկցիայի ածանցյալ: Առաջադրանքներ